ປະທານາທິບໍດີຣັດເຊຍ ພົບປະກັບທ່ານ ຫວາງຢີ້
ສຳນັກຂ່າວສານຊິນຮວາ ລາຍງານວັນທີ 20 ກັນຍາ ນີ້ວ່າ: ທ່ານ ວະລາດີເມຍ ປູຕິນ ປະທານາທິບໍດີຣັດເຊຍ ໄດ້ຕ້ອນຮັບການເຂົ້າຢ້ຽມຂ່ຳນັບ
ຂອງ ທ່ານ ຫວາງຢີ້ ກຳມະການກົມການເມືອງສູນກາງພັກກອມມູນິດຈີນ, ຫົວໜ້າຫ້ອງວ່າການ ຄະນະກຳມະການວຽກງານການຕ່າງປະເທດ ສູນ
ກາງພັກກອມມູນິດຈີນ ພ້ອມດ້ວຍຄະນະ ຢູ່ທີ່ນະຄອນແຊັງປີເຕີສະເບີກ ຂອງ ສ ຣັດເຊຍ. ທ່ານ ປູຕິນ ໄດ້ກ່າວຕ້ອນຮັບອັນອົບອຸ່ນດ້ວຍໄມຕີຈິດ
ມິດຕະພາບ ຕໍ່ການມາຢ້ຽມຢາມ ແລະ ເຮັດວຽກຢູ່ ສ ຣັດເຊຍ ຂອງທ່ານ ຫວາງຢີ້ ພ້ອມຄະນະໃນຄັ້ງນີ້, ເຊິ່ງເປັນການເພີ່ມພູນຄູນສ້າງການພົວພັນ
ຮ່ວມມືລະຫວ່າງສອງພັກ, ສອງລັດ ໂດຍສະເພາະເພີ່ມທະວີການວາງແຜນ ແລະ ລົງເລິກການຮ່ວມມືຕົວຈິງ, ບົນພື້ນຖານຂອງກົນໄກອົງການຮ່ວມ
ມືຊຽງໄຮ້, ປະເທດ ບຣິກສ ແລະ ຂອບຮ່ວມມືຫຼາຍຝ່າຍ, ຮັກສາການປະສານງານກັນຢ່າງແໜ້ນແຟ້ນ, ຄັດຄ້ານລັດທິເຈົ້າອຳນາດ ແລະ ການເປັນປໍ
ລະປັກກັນລະຫວ່າງກຸ່ມທີ່ຕ່າງກັນ, ປົກປັກຮັກສາຄວາມຍຸດຕິທຳ ແລະ ຄວາມເປັນທຳສາກົນ. ທ່ານ ຫວາງຢີ້ ກ່າວໄດ້ສະແດງຄວາມຂອບໃຈຕໍ່ທ່ານ
ວະລາດີເມຍ ປູຕິນ ທີ່ໃຫ້ການຕ້ອນຮັບຢ່າງອົບອຸ່ນ, ພ້ອມທັງລາຍງານການພົບປະກັບທ່ານ ນີໂຄລາຍ ປາຕຣູເຊັຟ, ເລຂາທິການສະພາຄວາມໝັ້ນຄົງ
ແລະ ທ່ານ ເຊີເກ ລາບຣັອບ, ລັດຖະມົນຕີກະຊວງການຕ່າງປະເທດ ຣັດເຊຍ ແລະ ຍັງໄດ້ສະຫຼຸບການພົບປະເຮັດວຽກຮອບດ້ານກ່ຽວກັບການຮ່ວມ
ມືແຕ່ລະຂົງເຂດລະຫວ່າງສອງປະເທດ. ຈີນ ຍິນດີຮ່ວມກັບຣັດເຊຍ, ຖືເອົາຄວາມເຫັນທີ່ເອກະພາບກັນ ອັນສຳຄັນຂອງປະມຸກລັດສອງປະເທດເປັນ
ບ່ອນອີງຫຼັກໝັ້ນ, ເພີ່ມທະວີຄວາມໄວ້ເນື້ອເຊື່ອໃຈກັນດ້ານຍຸດທະສາດ, ລົງເລິກການຮ່ວມມືຕົວຈິງ, ສ້າງພື້ນຖານມະຫາຊົນ ແລະ ສັງຄົມຢ່າງມີໄມ
ຕີຈິດລະຫວ່າງ ສປ ຈີນ-ສ ຣັດເຊຍ.
ແຫຼ່ງທີ່ມາ: ໜັງສືພິມກອງທັບ
ວັນທີ 26/09/2023